Хичээл сургуулийн үйл ажиллагаа эхэлсэнтэй холбогдуулан замын хөдөлгөөний ачаалал эрс нэмэгдлээ. Тиймээс иргэдийн зүгээс автомашинуудыг дугаарын хязгаарлалтаар зорчуулах санал гаргаж буй. Харин өнөөдөр “20 минутын хот” Үндэсний хороо анхдугаар хуралдаанаа хийж тодорхой шийдвэрүүдийг гаргажээ. Ингэхдээ "Иргэдийн дунд санал асуулга явуулж, зөвшөөрсөн тохиолдолд дугаарын хязгаарлалт хийнэ" гэж 20 минутын хот-Үндэсний хорооны дарга Р.Эрдэнэбүрэн мэдээллээ.