“Парис-2024” зуны олимпын наадмын чөлөөт бөхийн эмэгтэйчүүдийн 50 кг-ын жинд “Осло-2021” ДАШТ-ий хүрэл, “Белград-2022” ДАШТ-ий мөнгө, “Белград-2023” ДАШТ-ий мөнгөн медальт Монгол Улсын гавьяат тамирчин Долгоржавын Отгонжаргал өнөөдөр өрсөлдөнө.

Манай тамирчин Италийн Эмануэла Лиуззитэй эхний даваанд учраа таарав. Түүнийг ялбал олимпын хошой мөнгө, хошой хүрэл медальт, дэлхийн иж бүрэн медальт Азербайджаны Мария Стадник, Германы Анастасия Блайвас нарын ялсантай барилдах юм.

Харин 68 кг-ын жинд өчигдөр Киргизстаны бөх Мээрим Жаманзароватай барилдаж ялагдсан ОУХМ Э.Дэлгэрмаа өнөөдөр Японы Нонока Озакитай дагах барилдаанаа хийнэ. Манай хоёр тамирчны барилдаанд Монголын цагаар 17:00 цагаас эхлэх хуваарьтай байна.