Допингийн төрлийн хориотой бодис илэрсний улмаас Улсын харцага Ц.Мөнхбаяр, Аймгийн арслан Б.Өсөхбаяр нарын барилдах эрхийг 4 жилийн хугацаатай хассан байдаг.

Харин тухайн хоёр бөх Монголын Үндэсний бөхийн холбоо болон Арбитрийн шүүхэд удаа дараа хандсан. Хамгийн сүүлд өнгөрсөн сарын 25-нд Үндэсний их баяр наадмын Бөхийн салбар хороонд хүсэлт гаргажээ. Үүний хариуд:

Арбитрын тухай хуулийн 48 дугаар зүйлийн 48.1-д "Аль улсад гаргаснаас үл хамааран арбитрын үндсэн шийдвэрийг заавал биелүүлэх хүчинтэй" гэж, Иргэний хэрэг шүүхэд хянан шийдвэрлэх тухай хуулийн 11 дүгээр зүйлийн 11.1-д "Шүүхийн хүчин төгөлдөр шийдвэрийг иргэн, хуулийн этгээд заавал биелүүлнэ" гэж, Монгол Улсын Шүүхийн тухай хуулийн 23 дугаар зүйлийн 23.2-т "Шүүхийн шийдвэрийг сайн дураараа биелүүлээгүй бол хуульд заасан үндэслэл, журмын дагуу албадан гүйцэтгэнэ" гэж тус тус заасан.

Иймд дээрх шүүхийн шийдвэрийн дагуу Улсын харцага Ц.Мөнхбаяр, Аймгийн арслан Б.Өсөхбаяр нарыг Үндэсний их баяр наадмын бөхийн барилдаанд бүртгэх хууль зүйн үндэслэлтэй байх тул дүрэмд заасны дагуу бүртгүүлнэ үү" гэж Үндэсний их баяр наадмын Бөхийн салбар хорооноос мэдэгджээ.