Улаанбаатар-Амгалан хоорондын замд авто машин болон явган хүн өнгөрүүлэх нүхэн гарц барих гэж буй. Үүнтэй холбогдуулан 2024 оны тавдугаар сарын 17 болон 24-ний өдрийн 09:20-21:20 цагийн хооронд аялах №276/34, №286/285-р зорчигчийн галт тэрэгний цагийн хуваарьт дараах өөрчлөлт оруулахаар болсон байна. Тодруулбал,

Улаанбаатар-Замын-Үүд болон Улаанбаатар-Эрээн чиглэлийн 276/34-р галт тэргийг нэгтгэх бөгөөд Улаанбаатараас 21.40 цагт хөдөлж, Замын-Үүд өртөөнд 09.33 цагт хүрнэ.

Замын-Үүд өртөөнөөс 682-р галт тэрэг 11.00 цагт хөдөлж, Эрээн өртөөнд 11.25 цагт хүрнэ.

286/285-р галт тэрэг Улаанбаатар-Сайншанд чиглэлд Улаанбаатараас 21.55 цагт хөдөлж, Сайншандад 08.30 цагт хүрнэ. Иймд, зорчигчдыг цагийн өөрчлөлттэй уялдуулан аяллаа төлөвлөхийг анхаарууллаа.