Ираны шинэ жилийн баяр өнөөдөр /2024.03.20/ тохиож буй. Тэд шинэ жилээ угтаж галын наадам хийдэг уламжлалтай аж. Энэ жилийн хувьд галын наадам нь өнгөрсөн сарын 20-ноос энэ сарын 12 хүртэл үргэлжилжээ. Гэвч энэ үеэр 4700 хүн бэртэж, 15 нь амь насаа алдсан байна. Гэмтэж бэртсэн хүмүүсийн 565 нь эмнэлэгт хэвтэн эмчлүүлж байгаа аж.

Эдгээрийн 38 нь эрчимт эмчилгээний тасагт байгаагаас дөрвөн хүний биеийн байдал хүнд байгаа гэж Ираны Үндэсний эмнэлгийн яаралтай тусламжийн байгууллагын хэвлэлийн төлөөлөгч Бабак Йектапаст мэдэгджээ.

Түүний мэдээлж буйгаар, 257 хүн эрхтэн шилжүүлэн суулгах мэс засалд орсон бол 1594 хүн нүдээ гэмтээжээ. Мөн 1282 хүн түлэгдсэн бөгөөд гэмтсэн хүмүүсийн 72 хувь нь 22-оос доош насныхан байсныг онцлов. Жил бүрийн шинэ жилийн баяраар ийм осол гардаг ч амь үрэгдсэн хүний тоо өнгөрсөн оны мөн үетэй харьцуулахад 21 хувиар өсжээ.

Үүний шалтгаан нь иргэд гэрийн нөхцөлд хийсэн салют буудуулснаас болсон байна. Цагдаа нар 42 тонн салют хураан авсан хэдий ч иргэд олноор өртжээ.