Орон нутагт үүсээд буй цаг үеийн асуудлаар Шадар сайд, УОК-ын дарга С.Амарсайхан Монголбанк болон арилжааны банкуудын төлөөлөлтэй уулзаж, малчдын зээлийн эргэн төлөлтийг хойшлуулах эсэх асуудлыг хэлэлцлээ.

Энэ үеэр Төрийн банкны гүйцэтгэх захирал Ө.Гантөр "Чанарын хувьд малчны зээл хугацаанд төлөгддөг, харьцангуй сайн байдаг. Шадар сайдаас ирсэн саналыг хүлээн авахад бэлэн байгаа. Зээлдэгчдийнхээ үндсэн төлбөрийг тодорхой хугацаанд хойшлуулах боломж бүрэн бий. Малчны зээл нь жилд хоёр удаа буюу мах бэлтгэл, ноос ноолуур боловсруулах үед эргэн төлөлт хийгддэг. Тэгэхээр бид 2024 оны зургадугаар сар хүртэл эргэн төлөлтийг хойшлуулах боломжтой гэж үзэж байгаа" гэсэн юм.