Баян-Өлгий аймгийн Дэлүүн суманд энэ сарын 12-нд уулын цасны нурангид дарагдсан иргэний цогцсыг өнөөдөр буюу 17-ны 16:05 цагт 4 метрийн гүнээс олсон гэдгийг ОБЕГ-аас мэдээллээ.
Эрлийн ажиллагаанд тус аймгийн Онцгой байдлын газрын дарга, дэд хурандаа З.Азатаар ахлуулсан Онцгой байдлын газрын Эрэн хайх, аврах бүлэг, Хилийн 0165 дугаар ангийн 0135 дугаар салбар, Зэвсэгт хүчний 340 дүгээр анги, аймгийн Цагдаагийн газрын нийт 50 орчим алба хаагч, 2 эрэлч нохой, 10 орчим тусгай зориулалтын автомашинтайгаар оролцжээ.

Ойрын өдрүүдэд ихэнх нутгаар цасан шуурга шуурч, хүйтний эрч чангарах тул иргэд малчид сэрэмжтэй байхыг ЦУОШГ-аас анхааруулж байна.