Н.Өнөрцэцэгийг суллах эсэхийг өнөөдөр 14:00 цагт шийднэ

Ангилал
 Хууль эрх зүй
Огноо
Унших
1 минут 25 секунд

Сүхбаатар дүүргийн Эрүүгийн хэргийн анхан шатны шүүх яллагдагч Н.Өнөрцэцэгт авсан цагдан хорих таслан сэргийлэх арга хэмжээний хугацааг сунгах тухай Нийслэлийн Прокурорын газрын "маш нууц" зэрэглэлтэй ирүүлсэн гэх тус саналыг үндэслэн түүнийг цагдан хорих таслан сэргийлэх арга хэмжээг хоёрдугаар сарын 4-ний өдрөөс эхлэн нэг сарын хугацаатайгаар сунгасан.

Уг шийдвэрийг сэтгүүлч Н.Өнөрцэцэгийн өмгөөлөгч нар эсэргүүцэж, Ерөнхий шүүгчид гомдол гаргасан байдаг. Гомдлыг өнөөдөр /2024.02.09/ 14:00 цагаас Сүхбаатар дүүргийн Эрүүгийн хэргийн анхан шатны шүүх хэлэлцэхээр товложээ.

Сэтгүүлч Н.Өнөрцэцэгийг Эрүүгийн хуулийн тусгай ангийн 17.6 дугаар зүйлийн 1 дэх хэсэг /бусдын эд хөрөнгийг авахаар заналхийлэх/, 13.14 дүгээр зүйлийн 1 дэх хэсэг /худал мэдээлэл тараах/, 18.3 дугаар зүйлийн 1 дэх хэсэг /татвар төлөхөөс зайлсхийх/, 18.6 дугаар зүйлийн 2.2 дахь хэсэг /мөнгө угаах/, 19.11 дүгээр зүйлийн 1 дэх хэсэг /төрийн нууцыг хууль бусаар олж авах/ зэрэг эрүүгийн хэргүүдэд яллагдагчаар татан мөрдөн шалгах ажиллагааг явуулж байгаа гэдгийг хуулийн байгууллагаас мэдээлсэн байдаг.

Доктор, академич Ринчений Барсболдод Монгол Улсын Хөдөлмөрийн баатар цол хүртээв
Доктор, академич Ринчений Барсболдод Монгол Улсын Хөдөлмөрийн баатар цол хүртээв
 
Маргааш нийслэлд өдөртөө ялимгүй цастай
Маргааш нийслэлд өдөртөө ялимгүй цастай
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!