XVII жарны "Хилэнт эх" хэмээх модон луу жилийг тохиолдуулан Монгол Улсын Ерөнхийлөгч У.Хүрэлсүх өнөөдөр төрийн дээд цол, одон, медаль гардуулж байна.

Энэ үеэр “GUYS” хамтлагийн дуучин А.Төгсбаяр Хөдөлмөрийн гавьяаны улаан тугийн одонгоор шагнууллаа. Тэрбээр шагналаа гардаж авсныхаа дараа, "Аав, ээж, ачит багш нар, хайртай хань, хажууд минь түшиж тулж байгаад бүх хүмүүст маш их баярлалаа. Шагнал авах тухайгаа сонсоод догдлол дүүрэн байлаа. Төр, түмэндээ үнэлэгдэж эрхэм хүндтэй шагналын эзэн болсондоо маш их баяртай байна" хэмээн сэтгэгдлээ хуваалцжээ.

Монголын рок поп урлагт өөрсдийн өнгө, хэмнэлээр уран бүтээлээ тууштай туурвиж байгаа хамтлаг, дуучид өнөөдөр гарын арван хуруунд ч багтахаар цөөхөн байгаа. Тэдний нэг бол Монголын рок попын ертөнцөд 20 жилийн турш хит дуунуудаараа ноёрхсон “Guys” хамтлаг юм.