Нийслэлийн нийтийн тээврийн парк шинэчлэлийн ажил өрнөж, шинэ саарал автобуснууд үйлчилгээнд гарч эхэлсэн. Автобусны тоо нэмэгдэж байгаа ч жолооч нарын хүрэлцээгүй байдал байсаар байгаа юм. Үүнтэй холбоотойгоор, автобусны жолоочийн цалинг 3.5 сая төгрөг болгож, хоёр ээлжээр ажиллах нөхцөлийг бүрдүүлэхээр болсон.

Мөн жолоочоор ажиллах сонирхолтой иргэдийг үнэгүй сургаж авах бөгөөд харъяа хөдөлмөр, халамжийн хэлтэстээр нь дамжуулан бүртгэж эхэлсэн байна.

Нийслэлийн автобус компанид ажиллаад тэтгэвэрт гарсан бол 24 сарын цалингийн урамшуулал олгохоор болжээ.