"Нүүрсний" гэх хэрэгт яллагдагчаар татагдаад байсан Т.Аюурсайхан, Б.Ганхуяг нарын 11 хүнд холбогдох хэргийн шүүх хурал дуусаж, шийдвэрээ гаргалаа. Шүүхээс хэнд ямар шийтгэл оногдуулсаныг танилцуулж байна. Тодруулбал,

-Т.Аюурсайханд Эрүүгийн хуулийн 22.10 дугаар зүйлийн 2 дахь хэсэгт зааснаар нийтийн албанд томилогдох эрхийг 5 жилээр хасаж, 3 жил хорих ял,

-н.Түвшинбаатарт Эрүүгийн хуулийн 21.2 дугаар зүйлийн 1 дэх хэсэгт зааснаар 450 нэгж буюу 450 мянган төгрөгөөр торгох,

-н.Даваадоржийг Эрүүгийн хуулийн 22.4 дүгээр зүйлийн 4 дэх хэсэгт заасны дагуу нийтийн албанд томилогдох эрхийг 5 жилээр хасаж, 2 жил хорих ял,

-н.Отгонжаргалыг Эрүүгийн хуулийн 22.10 дугаар зүйлийн 1 дэх хэсэгт зааснаар нийтийн албанд томилогдох эрхийг 2 жилийн хугацаагаар хасаж, 1 жил хорих ял, Эрүүгийн хуулийн 22.1 дүгээр зүйлийн 1 дэх хэсэгт зааснаар нийтийн албанд томилогдох эрхийг 1 жилээр хасаж, 1.6 жил хорих ял,

-н.Гантөмөрийг Эрүүгийн хуулийн 22.5 дугаар зүйлийн 1 дэх хэсэгт зааснаар нийтийн албанд томилогдох эрхийг 2 жилээр хасаж, 10 сая 950 мянган төгрөгөөр торгох ял,

-Б.Ганхуягийг Эрүүгийн хуулийн 22.4 дүгээр зүйлийн 2 дахь хэсэг, 18.6 дугаар зүйлийн 1 дэх хэсэг, 22.10.1-т заасны дагуу нийт 5 жил 9 сарын хугацаагаар хорьж, нийтийн албанд томилогдох эрхийг 7 жилийн хугацаагаар хасах ял,

-н.Батхишигийг Эрүүгийн хуулийн 22.5 дугаар зүйлийн 1 дэх зааснаар нийтийн албанд томилогдох эрхийг 2 жилээр хасаж, 14 сая төгрөгөөр торгох ял,

-н.Эрдэнэбаярыг нийтийн албанд томилогдох эрхийг 3 жилээр хасаж, 10 сая 950 мянган төгрөгөөр торгох ял, Эрүүгийн хуулийн 18.6-д зааснаар 6 сарын хугацаанд оршин суугаа дүүргээсээ бусад газар зорчихгүй байх,

-н.Дагвадоржийг Эрүүгийн хуулийн 22.4.2-т заасанчлан нийтийн албанд томилогдох эрхийг 3 жилээр хасаж, 10 сая 950 мянган төгрөгөөр торгох, 18.6-д зааснаар 6 сарын хугацаанд зорчих эрхийг хязгаарлах ял,

-н.Бадамхандыг Эрүүгийн хуулийн 21.5.1-т зааснаар 1 сая төгрөгөөр торгох ял,

-О.Данзанлувсантүдэвийг Эрүүгийн хуулийн 21.2.1-т заасны дагуу 450 мянган төгрөгөөр торгох шийтгэлийг тус тус оногдууллаа.

Ташрамд дурдахад, эдгээр хүмүүс 14 хоногийн дотор Давж заалдах шатны шүүхэд гомдол гаргах эрхтэй юм.