Нийтийн тээврийн чиглэлийн дахин төлөвлөлттэй холбогдуулан мэдээлэл хийлээ. Энэ үеэр НЗДТГ-ын Хэвлэлийн төлөөлөгч Н.Сугар "Энхтайваны өргөн чөлөө дагуу "кармаа" зогсоолуудыг автомашин зогсоох боломжгүй болгож, хаалт тавьсан. Тухайн зогсоолууд нь замын хөдөлгөөнд саад учруулж, "азтай" нэгнийх нь зогсоол болж хувирдаг учраас ингэж өөрчилж байгаа юм. Тухайн хэсэгт эргээд зогсоол хийхгүй. Тохижилт хийнэ" гэв.