Хянан шалгах Түр хорооноос зохион байгуулж буй нүүрсний хоёр дахь шатны сонсгол гурав дахь өдрөө үргэлжилж байна. Энэ үеэр, Хянан шалгагч, "Тавантолгой түлш" ХХК-аас "Зерован" ХХК-д 57.6 сая төгрөгийг шилжүүлсэн байх бөгөөд тус мөнгийг тус компанийн Гүйцэтгэх захирал Б.Энхчулуун иргэн Ө.Ууганбаярын дансанд байршуулсан. Ө.Ууганбаяр нь "Тавантолгой түлш" ХХК-ийн Ерөнхий нягтлан бодогчоор ажиллаж байсан П.Амарцэцэгийн НӨХӨР болох нь тогтоогдсон" гэх баримтыг дэлгэв.