УБТЗ-ын Аялал жуулчлалын төв хүүхдийн галт тэрэгний тусгай хөтөлбөртэй аяллыг өнгөрсөн оны 12 дугаар сараас зохион байгуулж эхэлсэн.

Тэгвэл, “Хүүхдийн галт тэрэгний” арванхоёрдугаар сарын аялал зарлагджээ. Тус хөтөлбөр нь 2023 оны 12-р сарын 1-нээс эхэлж буй бөгөөд Улаанбаатар-Дархан-Улаанбаатар чиглэлд долоо хоног бүрийн баасан гарагт аялах аж. Энэхүү тусгай хөтөлбөртэй аялалд эцэг эхчүүд хүүхдүүдтэйгээ хамт аялж, олон сайхан мартагдашгүй дурсамжийг бүтээдгээрээ онцлогтой юм.