УИХ дахь МАН-ын бүлэг хуралдлаа. Бүлгийн хуралдаанаар Боловсролын Ерөнхий хуулийн төслийн АНГЛИ ХЭЛ үндсэн гадаад хэл байх тухай заалтын талаар хэлэлцсэн юм. Улмаар Англи хэлийг хуульчлах шаардлагагүй, сургалтын хөтөлбөрөөр явуулах нь зүйтэй гэсэн шийдвэрийг УИХ дахь МАН-ын бүлгээс гаргалаа.

Энэ талаар МАН-ын бүлгийн дарга Д.Тогтохсүрэн "Бүх зүйлийг хуульчлах боломжгүй. Англи хэлийг, нэгдүгээр ангиас нь орох уу, гуравдугаар ангиас нь орох уу гэдгийг Боловсролын байгууллага өөрсдөө шийднэ. Хүүхдийн нас, сэтгэхүй, боловсон хүчин, материаллаг бааз зэргээ харгалзан үзээд хэддүгээр ангиасаа орохоо өөрсдөө шийдэг" гэлээ.