Жүжигчин Цогтоо буюу У.Цогтбаярыг эхнэрээ хэл амаар доромжилсон, танхайрсан хэргээр шалгаж байгаа талаар бид өмнө мэдээлсэн. Тэгвэл дөнгөж сая түүнийг шүүхээс 7 хоног баривчлах шийдвэр гаргасан байна.

Харин энэ талаар жүжигчин У.Цогтбаяр "Өнөөдөр хүүгийн маань төрсөн өдөр. Гэвч хэд хоног хоригдохоор боллоо. Гэхдээ би хууль зөрчөөгүй. Нүүрсний хулгайчдыг битгий мартаарай. Жоохон бясалгаж байгаад гараад ирье" хэмээжээ.

Сануулахад, Түүнийг удаа дараа архидан согтуурсан, хэл амаар доромжилсон, танхайрах, эд хөрөнгө устгах, гэмтээх гэх хэргээр ХУД-ийн цагдаагийн хоёрдугаар хэлтэс шалгаж байгаа юм. Эх сурвалжийн мэдээлж буйгаар түүний гэргий н.Хүслэн өөрөө цагдаагийн байгууллагад гомдол гаргасан аж.