"Шилэн" ажиллагааны хүрээнд БЗС-гийн 1997-оос хойшхи зээлийн бүх дүнг нэгтгэн зарласнаас гадна далд байсан хэд хэдэн сангийн мэдээллийг олон нийтэд нээлттэй болгож эхэлсэн. Үүнтэй холбогдуулан Ерөнхий сайд асан С.Баяр өөрийн албан ёсны цахим хаягаараа дамжуулан өөрийн байр сууриа илэрхийллээ.

Тэрбээр "Миний үед төсвөөс идэх сул мөнгө үгүй байв. Банкны болон хүнсний хямрал нүүрлээд амь наана, там цаана. Хүнстэй болох, УУ-г ЭЗ эргэлтэнд оруулах гээд завгүй явж, жоохон мөнгөтэй болсон. Тэр мөнгөө хий цацсан, буруу хуваарилсан, хяналтаа алдсан. Одоо илэрч буй олон завхрал үүнээс үүдэлтэй. Би бас буруутай" гэжээ.