ОХУ-ын уран гулгалтын шилдэг тамирчид Монголд хоёр өдөр үзүүлэх тоглолт хийнэ. Тус шоунд оролцох одод өчигдөр “Чингис хаан” нисэх онгоцны буудалд газардсан юм.

Монголын спорт сонирхогчдын анхаарлыг хамгийн их татаж байгаа нь Камила Валиева бөгөөд манай нийслэлд авхуулсан гэрэл зургаа фэйсбүүктээ оруулжээ.

Саяхан 17 нас хүрсэн тэрбээр энэ жил УАШТ-дээ мөнгөн медаль, ОХУ-ын гран при тэмцээний мөнгөн медаль хүртээд байгаа юм.