Хөгжлийн банкны асуудлаарх нотлох баримтыг шинжлэн судлах гурав дахь удаагийн нээлттэй сонсгол дөрөв дэх өдрөө Төрийн ордонд үргэлжилж байна. Өнөөдрийн сонсголоор экспортыг дэмжих импортыг орлох үйлдвэрлэлийн 888 төслийн асуудлыг хэлэлцэж байгаа юм.

Кайзер флайшерай ХХК нь нөөшилсөн мах махан бүтээгдэхүүн үйлдвэрлэлийн төслийн хүрээнд 2.9 тэрбум төгрөгийн зээл авчээ. Эл компанийн идэвхтэй хувьцаа эзэмшигчээр Мон Рос Капитал Адвайзер ХХК бүртгэлтэй байх бөгөөд идэвхгүй хувьцаа эзэмшигчээр тус компанийн одоогийн Гүйцэтгэх захирал С.Баасанхүү байгаа юм. Түүний хувьд УИХ-ын гишүүн асан Д.Тэрбишдагвын хамаарал бүхий этгээд аж.