Засгийн газрын ээлжит хуралдаан боллоо. Хуралдаанаас гарсан шийдвэрийг албаныхан танилцууллаа. Энэ үеэр ЗГХЭГ-ын дарга Д.Амарбаясгалан "Ерөнхий сайдын айлчлалаар визний нөхцөл хөнгөрсөн гэдгийг хэлэх нь зүйтэй. БНСУ-ын талаас эрүүл мэндийн үйлчилгээ авах зорилгоор БНСУ-д зорчих шаардлагатай иргэд, түүний асран хамгаалагч, шаардлагатай доноруудын визний нөхцлийг нэн хөнгөлөлттэй болгох шийдвэрээ танилцуулсан. Мөн олон удаагийн нэвтрэлттэй визийг өмнө тодорхой хэдхэн нөхцлөөр олгодог байсан. Тэгвэл энэ төрлийн визийн нөхцлийг нэмэгдүүлж, визний хүндрэлийг багасгах талаар ярилцсан" гэв.