Ковид-19 халдварын тархалтын талаар Эрүүл мэндийн яамнаас ээлжит хэвлэлийн хурал хийж байна.
ХӨСҮТ-ийн захирал Д.Нямхүү: Зургаадугаар сарын 3-нд нийт 469 хүнд шинжилгээ хийснээс 468 хүнд Ковид-19 халдвар илрээгүй. Харин таван сарын 26-нд Москва-Улаанбаатар чиглэлийн нислэгээр ирсэн нэг иргэний давтан шинжилгээнээс Ковид-19 вирус илэрлээ.
Задлан хэлбэл:Тандалтын зорилгоор 13 хүний сорьцонд шинжилгээ хийсэн. Орхон, Дархан, Сэлэнгэ аймагт тусгаарлагдсан 235 иргэдээс давтан шинжилгээ хийсэн. Мөн Алтанбулгийн боомтоор орж ирсэн 45 ачаа тээврийн жолоочоос сорьц авсан. Ковид-19 илрээгүй.
Өнөөдөр 21 хүн эдгэрч дараагийн сувилал руу шилжиж байна. Эдгээр 21 хүний ес нь оюутан, бусад нь албан үүрэг гүйцэтгэж явсан иргэд байв.
Өнөөдрийн байдлаар ХСҮТ-д 155 хүн байна. Эдгэрч гарсан 65 хүн байна. Бүрэн ажиглалтаас гарсан 13 хүн байна. Эмчилгээний хугацааг тооцвол 21-22 хоногт эмчилэгдэн гарч байна.
