Туркт болсон газар хөдлөлтийн улмаас тус улс IV зэргийн онцгой байдал зарлав. Тэгвэл АНУ, Япон, Азербейжан, Узбекистан, Энэтхэг, Испани, Румын, Малайз, Орос, Франц, Алжир, Гүрж гэх мэт улсууд аврагчид болон эрэлч ноход, явуулын эмнэлгүүдийг илгээгээд байна.

Түүнээс гадна Истанбулын онгоцны буудал сайн дурынхнаар дүүрэн бөгөөд олон мянган Турк залуус гамшиг болсон бүсэд очиж ажиллахаар явж байгаа аж.

Тэгвэл Монгол Улс ч мөн адил Турк руу аврах баг илгээхээр Шадар сайдын ажлын алба яг одоо хуралдаж байна гэх мэдээлэл байна. Бид энэ талаар эргэн мэдээлнэ.