Тун удахгүй сар шинийн баяр болох гэж байна. Тэгвэл цагаан сараас өмнө "Эрдэнэс таван толгой” ХК-ийн 1072 хувьцааны ногдол ашгаа авах шаардлагыг зарим иргэдийн зүгээс илэрхийлж, хэвлэлийн бага хурал хийлээ. Энэ үеэр иргэдийн төлөөллийн зүгээс "Ногдол ашгаа авч өрөө төлөхгүй бол төлж чадахгүй байна. Ард түмэн чинь ядарсан байгаа. Малчид бид ноолуурын цагаар, зуны дэлгэр цагаар л мөнгөтэй байдаг. Өнөөдөр хөхөө өвлийн хүйтэнд ямар ч мөнгөгүй. Ийм үед юугаараа өрөө төлөх юм бэ. Ганцхан малчид биш өч төчнөөн зээлтэй хүмүүс байгаа. Тиймээс ард түмэнд ногдол ашгийг нь өг. Өрөө төлмөөр байна. Өөр арга байхгүй" гэв.