НАМЭХ Бага хурлаа өнөөдөр Тусгаар тогтнолын ордонд хийж байна. Тодруулбал, НАМЭХ бага хурлаа оны өмнө хийхээр төлөвлөсөн байсан боловч намын дотоод асуудал, хагаралтай байдлаас шалтгаалан тодорхойгүй хугацаагаар хойшлуулаад байсан бөгөөд ийнхүү хурлын товоо гаргасан нь энэ аж.

Эл хурлаар Нийгмийн Ардчилал Монголын Эмэгтэйчүүдийн Холбоо гэдэг нэрээ Социал Демократ Эмэгтэйчүүдийн Холбоо болгож өөрчлөхөөс гадна холбооныхоо тэргүүнийг солих асуудлыг ярих юм.

Үдээс өмнөх хуралдаанаар нэрээ Социал Демократ Монголын эмэгтэйчүүдийн холбоо болгож өөрчилсөн бол үдээс хойшхи хуралдаанаар бүтэц бүрэлдэхүүндээ өөрчлөлт оруулна.