УИХ-ын гишүүн Н.Учралын батлуулсан "Олон нийтийн сүлжээнд хүний эрхийг хамгаалах тухай" хуульд Ерөнхийлөгч У.Хүрэлсүх бүхэлд нь хориг тавьсан билээ. Эл хоригийг хүлээн авах эсэх нь УИХ-ын бүрэн эрхийн асуудал юм. Гэвч Ерөнхийлөгчийн хориг тавьсан хугацаа чуулган завсарласан үед таарсан тул дараагийн чуулган эхэлснээс хойш ажлын 14 хоногт хэлэлцэх ёстой. Өөрөөр хэлбэл, хаврын чуулган эхэлснээс хойш ажлын 14 хоногт багтаан хэлэлцэнэ гэсэн үг. Ташрамд дурьдахад, УИХ-ын хаврын чуулган гуравдугаар сарын 15-нд нээн, хуралдах юм.