Яруу найрагч Ц.Хуланг тагнуулын хэргээр өнгөрсөн шөнө 48 цагийн хугацаатайгаар ШШГЕГ-ын харьяа цагдан хорих 461 дүгээр ангид саатуулсан. Тэгвэл үргэлжлүүлэн хорих эсэх саналыг шүүхэд хэлэлцэх байсан болов ч шүүгчээс татгалзах хүсэлт гаргасан учир шүүх хурал хойшилжээ.
Ташрамд дурдахад, Түүнийг гадаадын тагнуулын алба, иргэнтэй хууль бусаар хамтарч ажилласан гэх зүйл ангиар буруутгаж цагдан хорьсон гэх мэдээлэл байгаа юм. Мөн тэрбээр 2017 онд Монгол Улсын Ерөнхийлөгч асан Х.Баттулгын Соёл, шашны бодлогын зөвлөхөөр томилогдон ажиллаж байсан юм.
