Өнгөрсөн оны арванхоёрдугаар сүүлээр "Эрдэнэс Монгол” ХХК-д чадварлаг хүний нөөцийг бүрдүүлэх зорилгоор 88 ажлын байрны “СОНГОН ШАЛГАРУУЛАЛТ”-ыг олон нийтэд нээлттэй зарласан. Тэгвэл нээлттэй сонгон шалгаруулалтын бүртгэлийн шат энэ сарын 16-н буюу өнөөдөр 18.00 цагт дуусч байна.

Хэрэв амжиж бүртгүүлэх бол Засгийн газрын Олон нийттэй харилцах 11-11 төв, “Эрдэнэс Монгол” ХХК-ний 75553399-223 утсаар хандаж мэдээлэл авах боломжтой юм байна.

Бүртгүүлсэн иргэд энэ сарын 20-21-нд тестийн шалгалт өгнө. 23-28-нд нүүр тулсан ярилцлага зохион байгуулж, хоёрдугаар сарын 1-нээс багаа бүрдүүлэн шинэ менежментээр үйл ажиллагаа явуулж эхлэх аж.

Сонгон шалгаруулалтад оролцох иргэдэд тавигдах шаардлага,

• Бакалавр болон түүнээс дээш зэрэгтэй
• Нэг ба түүнээс дээш гадаад хэлний мэдлэгтэй
• Ахлах менежер улсад 8-аас дээш жил ажилласан байх
• Менежер нь улсад 5-аас дээш жил ажилласан байх
• Мэргэжилтэнд ажилласан жилийн шалгуур тавихгүй.

О.Оюундарь