Энэ мэдээ хуучирсан буюу 2023/01/13-нд нийтлэгдсэн мэдээ болно.

“Содон“ хороолол 316 дугаар цэцэрлэг ашиглалтад орлоо

Ангилал
Нийгэм
Огноо
Унших
2 минут 46 секунд

Сонгинохайрхан дүүргийн 37-р хороо Содон хорооллын 316 дугаар цэцэрлэгийн нээлтийн арга хэмжээ өнөөдөр /2023.01.13/ боллоо. Тус цэцэрлэгийн барилга ашиглалтад орсноор дүүргийн хэмжээнд 63 цэцэрлэг үйл ажиллагаа явуулж эхэллээ.

Сонгинохайрхан дүүрэгт 2023 оны эхний хагас жилийн хугацаанд таван цэцэрлэг ашиглалтад орох төлөвлөгөө гарсан бөгөөд тэдгээрийн нэг нь 316-р цэцэрлэг юм. Тодруулбал, 10, 28 дугаар хороонд 150, 16-р хороонд 200, 31-р хороонд 250 хүүхдийн ортой цэцэрлэгүүд тус, тус ашиглалтад орох юм.

Тус цэцэрлэг 280 хүүхдийн хүчин чадалтай бөгөөд өнөөдрийн байдлаар 343 хүүхэд, 45 багш ажилтантай үйл ажиллагаагаа хэвийн явуулж байна. Нээлтийн үйл ажиллагаанд УИХ-ын гишүүн Б. ЖАРГАЛМАА, НИТХ-ын төлөөлөгч Нийслэлийн Засаг даргын эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн Sandagsuren Jigjidsuren, Сонгинохайрхан дүүргийн ИТХ-ын дарга Б.Хуягбаатар Батчулууны Хуягбаатар, НИТХ-ын төлөөлөгч, дүүргийн Засаг дарга Н.Алтаншагай болон эцэг, эхчүүдийн төлөөлөл, цэцэрлэгийн эрхлэгч, ажилчид оролцлоо.

Сонгинохайрхан дүүргийн хэмжээнд боловсролын салбарт улс, нийслэл, орон нутгийн хөрөнгө оруулалтаар бүтээн байгуулалтын ажлуудыг 2016 оноос хойш эрчимжүүлэн ажиллаж байгаа бөгөөд өнөөдрийн байдлаар сургуулийн өмнөх боловсролын байгууллагын хүртээмж, орны тоо хэд, дахин нэмэгдсэн.

Сонгинохайрхан дүүрэгт 2009-2021 оны хооронд 31 цэцэрлэг, 10 өргөтгөлийн барилга шинээр баригдсан ба хүүхдийн орны тоо 5820-оор нэмэгдсэн бол 2022 онд 2 цэцэрлэгийн барилга, 3 өргөтгөл ашиглалтад орж нийт 1445 ороор нэмэгдэж 63 цэцэрлэг 20091 орны хүчин чадалтай үйл ажиллагаа явуулж байна.

Мөн дүүргийн хэмжээнд 150, 200, 240, 280 ортой нийт 25 цэцэрлэгийн барилга он дамжин баригдаж байгаа бөгөөд 11, 14, 16, 19, 22, 23, 25, 27, 28, 29, 31, 33, 34, 36, 37, 40, 42, 43 дугаар хороодод 0-100 хувийн гүйцэтгэлтэй барилгын явц үргэлжилж байна. Сонгинохайрхан дүүрэгт эдгээр цэцэрлэгийн шинэ барилга, өргөтгөлүүд ашиглалтад орсноор хүчин чадал 4520 ороор нэмэгдэж, нийт 25641 хүүхдийн ортой болон 100 хувь боловсролын салбараа шийдэж чадсан анхны дүүрэг болохоор зорилт тавин ажиллаж байна.

Хоёр сартай зээ хүүгээ малын тэжээлээр дарж хөнөөгөөд газарт булсан байжээ
Хоёр сартай зээ хүүгээ малын тэжээлээр дарж хөнөөгөөд газарт булсан байжээ
 
Ардчилсан намын Ерөнхий сайдаар тодорсон Ц.Элбэгдорж хэлэлцүүлэгт урьж байна
Ардчилсан намын Ерөнхий сайдаар тодорсон Ц.Элбэгдорж хэлэлцүүлэгт урьж байна
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц