Монгол Улсад нийгмийн даатгалын байгууллага үүсэж хөгжсөний түүхт 80 жилийг ойг тохиолдуулан нийгмийн даатгалын байгууллагын хөгжилд үнэтэй хувь нэмэр оруулсан эрхэм хүндтэй хүмүүсийг алдаршуулан тэмдэглэх “ХҮНДЭТ ДЭВТЭР”-ийг анх удаа нээж байна. Энэхүү “ХҮНДЭТ ДЭВТЭР”-ийг Нийгмийн даатгалын хууль тогтоомж, бодлогыг удирдан чиглүүлэх, хэрэгжүүлэхэд үнэтэй хувь нэмэр оруулж, одоогийн байгууллагын суурийг тавьсан үе үеийн удирдлага, нийгмийн даатгалын салбарт олон жил хүчин зүтгэж, ажил олгогч, даатгуулагч, иргэдэд нийгмийн даатгалын үйлчилгээг чирэгдэлгүй, түргэн шуурхай үзүүлэхэд өөрийн хувь нэмрээ оруулж, үр бүтээлтэй ажилласан ахмад болон одоо ажиллаж байгаа ажилтнууд, байцаагчид, хамтран ажилласан харилцагчдын сэтгэгдлийг нь бичүүлж, амжилт бүтээлийг нь тэмдэглэн бичиж алдаршуулах зорилгоор нээж байна.