Төрийн хэмнэлтийн тухай хууль үйлчилж эхлээд таван сарын хугацаа өнгөрсөн байна. Хуулийн хүрээнд зарим шатны төрийн байгууллагын дарга, албан тушаалтнуудын автомашин ашиглахыг хязгаарлаж буй. Гэтэл Өмнөговь аймгийн Даланзадгад сумын ЗДТГ-аас төрийн үйлчилгээний автомашин шинэчлэх тендерийг зарлаж, хүсэлтийг есдүгээр сарын 8 хүртэл хүлээж авахаар тусгажээ. Эл мэдээлэл гарсан даруйдаа олон нийтийн зүгээс багагүй шүүмжлэлийг дагуулав. Тэгвэл тус тендерийг хүчингүй болгожээ.