Цар тахлаас шалтгаалан ажлын явц нь удааширалтай үргэлжилж олон нийтийн шүүмжлэлийг хүртээд байсан олимпийн гүүрний явган хүний замын ажил зургадугаар сарын 30 гэхэд дуусах талаар Нийслэлийн Замын хөгжлийн газрын дарга Г.Баярсайхан мэдээллээ. Тэрбээр "Олимпийн гүүр бол явган хүн зорчих хэсэгтэй. Зураг төсөл нь батлагдсан. Гол тулгарч байгаа асуудал нь тус гүүрийг барьж, гүйцэтгэж байгаа Төмөр замын 20 дугаар товчоо компани үнийн санал дээр маргаан үүсгээд саатсан. Хоёр тал зөвшилцөлд хүрч, зургадугаар сарын 30 гэхэд гүүрийг барьж дуусгахаар болсон. Дугуйн болон тэргэнцэртэй иргэн зорчих хэсэг төлөвлөгдсөн" гэлээ.