"Бизкон аудит" ХХК 20 жилийн ойдоо зориулж Монгол Улсын начин цолны хүндэтгэлийн барилдааныг өчигдөр Монгол бөхийн өргөөнд зохион байгуулсан.

Энэ үеэр Ховд аймгийн Зэрэг сумын харьяат, улсын харцага Б.Бат-Өлзий, Увс аймгийн Тэс сумын харьяат, улсын начин Ж.Ням-Эрдэнэ нарын барилдааны үеэр Б.Бат-Өлзийг өрсөлдөгч бөхөө цохиод авлаа хэмээн олон нийт бухимдаад байсан юм.

Тэгвэл энэ талаар МУ-ын харцага Б.Бат-Өлзий дараах тайлбарын хийжээ. Тэрбээр "Сайн байцгаана уу. Өчигдөр болсон барилдаан дээр тавын даваанд Ж.Ням-Эрдэнэ начинтай барилдах үед барьц халах үйлдэл цохиж буй мэт харагдсан байна. Бөхдөө хайртай Монголчуудаасаа уучлал гуйж байна" гэжээ.