Орос Улс ойрын өдрүүдэд Украин руу довтолж, дайралт хийх шалтаг зохиохоор бэлтгэж байна гэж АНУ мэдэгдэв. Тухайлбал АНУ-ын Ерөнхийлөгч Жо Байден цэргийн ажиллагаа удахгүй эхэлж магадгүй ч дипломат замаар шийдвэрлэх боломжтой хэвээр байгааг онцлон тэмдэглэжээ. Дараа нь Ерөнхийлөгчийн гадаад бодлогын дээд албан тушаалтан Москва түрэмгийллийг зөвтгөх хэд хэдэн арга замыг жагсаасан байна.
Харин Оросын зүгээс дээрх мэдэгдлийг "үндэслэлгүй" гэж мэдээлэн, АНУ хоёр улсын хооронд хурцадмал байдал үүсгэж байна гэж буруутгажээ. Оросууд Украин руу халдан довтлох төлөвлөгөөг удаа дараа няцаасаар ирсэн билээ.
Эх сурвалж: BBC
