Жанчхүүгийн цасан замд өнөөдөр эмэгтэй цанчтд 10 км зам туулан уралдана. Энэ төрөлд 98 тамирчин уралдахаар бүртгүүлсэн бөгөөд тэдний дунд манай улсын тамирчин Ариунсанаагийн Энхтуул байгаа.

Уралдаан 15:00-д эхлэх бөгөөд тамирчид спринтийн нэгэн адил 30 секундын зайтай гараанаас ээлжлэн гарах юм. А.Энхтуулын хувьд 96-д эрэмбэлэгдэн 15:48-д гараанаас гарахаар болжээ.

Олимпын наадамд анх удаа оролцож буй тэрбээр өмнөх спринт уралдаанд тэргүүлэгчээс 49 секунд хоцрон 79 дүгээр байрт орсон билээ. Харин энэ удаа өөрийн үндсэн төрөлдөө өрсөлдөх юм.