Эрүүл мэндийн яамнаас ээлжит мэдээллээ өглөө.

Энэ үеэр Эрүүл мэндийн сайдын зөвлөх О.Батбаяр эмийн багцтай холбоотой дараах мэдээллийг өгсөн юм. Тэрбээр "Дахин халдвар авсан иргэдэд эмийн багцыг олгож байгаа Өнгөрсөн онд өрхийн эмнэлгээр дамжуулж олгосон 160 мянган төгрөгийн багц нь эм, өрхийн эмч нарын зардал, ажлын хөлс багтсан байсан.

Энэ багцад 60 гаруй тэрбум төгрөг зарцуулсан. Энэ удаад Омикрон хувилбар хөнгөн, вакцинжуулалт өндөр байгаа учир гэртээ тусгаарлаад, эмчилж болж байгаа. Иргэн болгон багц авна гээд багцаа аваад байвал ЭМД-т байгаа таны бусад тусламж үйлчилгээнд зарцуулагдах мөнгө хорогдож байгаа. Тиймээс иргэд онцын шаардлагагүй бол багцыг заавал авах гээд байх шаардлагагүй" гэв.