Засгийн газар өнөөдөр ээлжит бусаар хуралдаж Эдийн засаг, хөгжлийн яам болон Цахим хөгжил, харилцаа холбооны яам байгуулах талаар хэлэлцсэн. Энэ дагуу ЭЗХЯ-ны Төрийн нарийн бичгийн даргаар Үндэсний хөгжлийн газрын дарга Х.Батжаргалыг, ЦХХХЯ-ны Төрийн нарийн бичгийн даргаар Харилцаа холбоо, мэдээллийн технологийн газрын дарга Б.Болор-Эрдэнийг тус тус түр томилсон талаар бид мэдээлсэн.

Засгийн газрын тохируулагч агентлаг болох Харилцаа холбоо, мэдээллийн технологийн газар, Үндэсний хөгжлийн газрын дарга нар дээрх албан тушаалд томилогдсон тул Засгийн газрын хоёр хэрэгжүүлэгч агентлагийг тус тус татан буулгажээ. Агентлагуудын үйл ажиллагааг холбогдох яамд үргэлжлүүлэн гүйцэтгэх юм.