Өнөөдөр Засгийн газрын ээлжит хурал болж хуралдаанаар коронавируст халдварын нөхцөл байдал, авч хэрэгжүүлж буй арга хэмжээний талаар хэлэлцсэн. Энэ дагуу цаг үеийн асуудлаар УОК-оос мэдээлэл хийлээ. Энэ үеэр УОК-ын нарийн бичгийн дарга Т.Баярхүү "Гадаадаас ирж буй зорчигчид 72 цагийн хугацаатай PCR шинжилгээний бичигтэй тохиолдолд нислэгээр ирж байгаа. Ирснийх нь дараа нисэх буудал дээр түргэвчилсэн шинжилгээ авна. Ингээд зочид буудлын гурав хоногийн ажиглалтад шилжиж, гурав дахь хоног дээр дахин шинжилгээ авна. Өөрөөр хэлбэл, нэг хүн гурван удаагийн шинжилгээнд хамрагдсаны дараагаар нийгмийн харилцаанд оролцох, гэртээ харих нөхцөл бүрдэнэ" гэлээ.