Засгийн газрын ээлжит хуралдаан өнөөдөр /2021.12.22/ боллоо. Хуралдаанаас гадаадаас ирсэн иргэн бүрийг гурав хоногийн хугацаанд тусгаарлах шийдвэрийг гаргасан. Ингэхдээ омикрон хувилбар нь амьсгалын дээд замыг гэмтээдэг болох нь судалгаагаар тогтоогдсон учир хүүхэд, бага насныханд өндөр эрсдэлтэй байх судалгааны үр дүн гарсан талаар Ерөнхий сайдын хэвлэлийн төлөөлөгч Ч.Болортуяа мэдээллийн үеэр онцолсон юм.
