“Цагийн хязгаарлалтаас болж зээлээ төлж чадахгүй байсаар банкны хар дансанд орсон“

Ангилал
 Хууль эрх зүй
Хэзээ
2021/11/24
Унших
1 минут 43 секунд
QR кодыг уншуулж мэдээг утсаараа унших боломжтой.

ААН-үүдийн төлөөллөөс цагийн хязгаарлалтыг эсэргүүцэж байгаа талаар мэдээлэл хийлээ.

Мэдээллийн үеэр комедиан Д.Амартүвшин "ААН-ын цагийн хязгаарлалтаас болж хүнд байдалд орж байна. Автобусандаа хэдэн зуун хүн зорчиж байгаа. Гэтэл оройн цагаар 30-50 хүн ордог бааранд хүмүүс орох гэхэд мэргэжлийн хяналт, цагдаа нь ирж дарамталдаг асуудал байна. Үүнээс үүдэж орон байрны архидалт хэрээс хэтэрлээ. Хүмүүс хүүхдийнхээ, эхнэрийнхээ, хутганыхаа хажууд гэртээ архи ууж байна.

Маш олон газрууд нууцаар ажиллаж байна. Хоёр жилийн турш хаалттай байсан учраас өнгөрсөн хугацаанд үүссэн өр шир, түрээсээ төлөх шаардлагатай. Хэдийгээр 00 цагаас хаах ёстой гэж байгаа боловч байгууллагуудын 50 орчим хувь нь нууцаар ажиллаж байна. Иймээс хуулийг гууль болгосон журмаа цуцлах хэрэгтэй" гэв.

"Тэвчээр тасарлаа" хөдөлгөөний үүсгэн байгуулагч н.Тамир "Цагийн хязгаарлалтаас болж жил гарангийн хугацаанд нийгмийн даатгалаа төлж чадаагүй. Гэтэл Засгийн газар, УОК-ын шийдвэрээс болж банкны хар дансанд орсон. Цагийн хязгаарлалтаас болж зээлээ төлж чадахгүйн улмаас хар дансанд оруулсан. Бидэнд тулгарч буй асуудлыг ч банк нь хүлээж аваагүй. Саяхнаас оройн 00 цаг хүртэл ажиллахаар болсон. Яг үнэндээ бар, паб, караокед үйлчлүүлэгчийн идэвхтэй цаг нь 22 цагаас хойш шүү дээ" гэв.

Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Зочин

    Хөл хорионоос болж хохирсон ААН, хувь хүмүүс нөхөн төлбөр шаардах эрхтэй. Тэр байтугай Коронагаар өвдсөн хүмүүс, нас барагсдын ар гэр төрөөс хохирлоо нэхэмжлэх ёстой. Төр ард түмнээ хамгаалах үүргээ биелүүлж чадаагүй тул. Гадаад орнуудад ийм нэхэмжлэл их гаргаж байгаа. АНУ-ын зарим мужид шүүх дээр нэхэмжилсэн хохирол хэдэн тэрбум доллараар яригдаж байгаа. Энэтхэгт 50 000 рупи, хөл хорионы үеийн АНУ-д цалин орлогыг бүтэн олгох гэх мэтээр арга хэмжээ авч байгаа.