Японы шинэ ерөнхий сайдын албан тушаалд Фумио Кишида албан ёсоор томилогдлоо. Тэрбээр ердөө нэг жил ажилласныхаа дараа огцорсон Ёшихидэ Сугагийн халааг авч буй нь энэ юм.

64 настай ноён Кишида өнгөрсөн долоо хоногт Японы эрх баригч Либерал ардчилсан намыг тэргүүлэх өрсөлдөөнд ялалт байгуулжээ.

Ерөнхий сайд асан Сугагийн цар тахлын эсрэг авч хэрэгжүүлж буй ажлууд оновчгүй байсан хэмээн дийлэнх иргэд үзсэний улмаас түүний үнэлгээ буурч, Ерөнхий сайдын суудлаасаа буухаар ​​шийдсэн билээ.

"Энэ бол жинхэнэ утгаараа шинэ эхлэл байх болно гэж би бодож байна" гэж тэрбээр өмнө нь сэтгүүлчдэд хэлж байсан юм.

Ноён Кишидагийн удирдах Засгийн газрын шинэ гишүүдийг өнөөдөр зарлах ёстой.