Эрүүл мэндийн салбарын хүний нөөцийн асуудал дээр хэрхэн ажиллаж байгаа талаар НЭМГ-ын дарга Б.Бямбадорж "Хүний нөөцөө нэмэгдүүлэх чиглэлээр холбогдох байгууллагуудтай хамтарч ажиллаж байна. Одоогийн байдлаар 239 резидент эмч ажиллаж байна. "Глобал сан"-гийн санхүүжилтээр 50 долларын урамшуулалтайгаар сайн дурынхныг ажиллуулж байна. 207 хүн ирэх ёстойгоос 111 хүн ажиллаж байна. МУЗН-ээс 187 хүн ажиллах ёстойгоос 57.2 хувь нь ажиллаж эхэлсэн.

Эмнэлгийн салбарт эрчимт эмчилгээний таван оронд нэг эмч, нэг сувилагч ажиллах ёстой. Ердийн үед стандарт хангасан хүний нөөц хомсдол байдаг. Эрүүл мэндийн чиглэлээр мэргэшсэн эмч, сувилагч болон сайн дурын шугамаар ажиллах иргэдийг цар тахлын хариу арга хэмжээнд оролцохыг уриалж, гуйж байна. Эмнэлгийн биш мэргэжлийн 910 хүн нийслэлийн хэмжээнд сайн дурын ажлын байранд ажиллах бололцоотой. Эдгээр хүмүүст богино хэмжээний сургалт хийгээд, хариу арга хэмжээнд оролцох боломжтой" гэлээ.