12 настай хүүхэд тогтоол усанд осолдож, амиа алджээ. Тодруулбал, Сэлэнгэ аймгийн Хүдэр сумын Баянцагаан багийн “Жалга” гэдэг газарт хүүхэд тогтоол усанд осолдсон тухай дуудлага Онцгой байдлын газарт өчигдөр буюу наймдугаар сарын 30-ны өдрийн 13:35 цагт хүлээн авсан байна. Тус аймгийн Онцгой байдлын газрын Эрэн хайх, аврах ангийн алба хаагчид очиж хоёр удаагийн шумбалтаар эргээс 13 метр зайтай, 3.2 метрийн гүнээс 12 настай, эрэгтэй Т-ийн цогцсыг гарган аймгийн Цагдаагийн мөрдөн байцаах тасгийн мөрдөгчид шилжүүлэн өгсөн аж.