Урд шөнө Афганистаны нийслэл хотын нисэх онгоцны буудлын гадаа дэлбэрэлт болж, АНУ-ын 13 цэргийн албан хаагч амь үрэгдэж, арав гаруй хүн бэртэж гэмтжээ.

Пентагоны мэдээлснээр, амиа золиослогч бөмбөг дэлбэлсэн ба Кабул хотын Хамид Карзайн нэрэмжит олон улсын нисэх онгоцны буудлын үүдэнд зогсож байсан олон хүнийг хамарсан байна. Мөн төд удалгүй ойролцоох зочид буудалд дахин дэлбэрэлт болжээ.

Дэлбэрэлтийн улмаас 90 хүн амиа алдсан бөгөөд 150 хүн шархадсан гэсэн урьдчилсан тооцоолол байна.

АНУ-ын Ерөнхийлөгч Жо Байден, "Бидний эрхэм зорилго үргэлжилнэ. Америкийг айлгаж чадахгүй" гэжээ.