Сүүлийн өдрүүдэд коронавирусийн дельта хувилбар дотоодод тархаж, цаашилбал орон нутагт бүртгэгдэж эхэлсэн билээ. Тэгвэл дотоодод тархсан дельта хувилбарын нөхцөл байдлын талаар Эрүүл мэндийн сайд С.Энхболд Өдрийн сонинд өгсөн ярилцлагадаа дурьджээ.
Тэрбээр "Нийт өвчлөлийн 10-аас дээш хувь нь дельта хувилбар бүртгэгдэж байна. Дельта хувилбарын эрсдэл өндөр гэдгийг бид байнга анхааруулж байгаа. Хот, хөдөө ялгаагүй дельта хувилбар эрсдэл үүсгэж байна. Цаашид ч халдвар дотор дельта мутацийн эзлэх хувь өсөх байх. 89-өөс дээш хувь нь дельта хувилбар болчихлоо. Учир нь тархах хурд нь бусад мутациасаа 1.6 дахин өндөр буюу 60 хувиар их байна. Иймээс гагцхүү халдвар хамгааллын дэглэмээ л та бид чанд баримтлах шаардлагатай байна гэдгийг дахин дахин хэлмээр байна" гэжээ.
