Орон сууцны дээврээс үсрэх гэж байсан иргэний үйлдлийг таслан зогсоож, аварчээ. Тодруулбал, нийслэлийн Баянзүрх дүүргийн 13 дугаар хороонд орон сууцны дээврээс хүн үсрэх гэж байна гэсэн дуудлага өчигдөр буюу наймдугаар сарын 17-ны өдөр Онцгой байдлын албанд бүртгэгдсэн аж. Дуудлагын дагуу нийслэлийн Аврах ангийн алба хаагчид очиход тус байрны оршин суугч 18 настай эмэгтэй гэр бүлийн маргаанаас болж амиа хорлох үйлдэл хийж байсныг буулгаж, тус дүүргийн Цагдаагийн 1 дүгээр хэлтсийн эргүүлийн офицерт хүлээлгэн өгсөн байна.