Самсунгийн дэд захирал Ли Жэ Ён энэ долоо хоногт тэнсэнгээр суллагдах гэж буйг Өмнөд Солонгосын Хууль зүйн яамнаас мэдээлэв. Ли өнгөрсөн нэгдүгээр сард Сөүлийн Дээд шүүхээс авлига авсан гэх хэргээр хоёр жил хагасын хугацаанд хоригдох ял авсан юм. Түүнийг наймдугаар сарын 13-нд суллах болно гэж тус улсын Хууль зүйн сайд мэдэгджээ.
Сайд Пак Беом Ки, "1945 онд Солонгос Японы эзэнт гүрний эрхшээлээс чөлөөлөгдсөн өдрийг тохиолдуулан тэнсэн суллагдаж буй бусад 810 хоригдлын дунд Ли багтсан. Халдварт өвчинд өртөмтгий байдаг хорих ангиудын ачаалал хэт их байгааг харгалзан манай эдийн засгийн байдлыг даван туулахад нэмэр болох зорилгоор энэ жил тэнсэн суллагдсан хүмүүсийн тоо өнгөрсөн жилтэй харьцуулахад мэдэгдэхүйц нэмэгдсэн" гэжээ.