Токио 2020 зуны олимпийн наадам үргэлжилж байна. Өнөөдөр Жүдо бөхийн төрөлд манай хоёр бөх зодоглоно. Тодруулбал, жүдо бөхийн эмэгтэйчүүдийн 63 кг, эрэгтэйчүүдийн 81 кг жингийн барилдаан болж шилдгүүдээ шалгаруулна.

ОУХМ Б.Ганхайч 63 кг-д /7 дахь барилдаан/ Пан Америкийн аваргын мөнгөн медальт Мексикийн Пришка Авити Алкаразтай хүч үзлээ. Б.Ганхайчийн нэмэлт цагт цэвэр яллаа.Шөвгийн 16-д Бразилын Кетлин Куадрос болон Хондурасын Сергиа Давид нарын ялсантай барилдах юм байна. Түүнд амжилт хүсье.

Дашрамд дуулгахад, Монгол Улс өчигдөр хоёр дахь хүрэл медалиа "өвөртлөсөн" байгаа билээ. Тодруулбал, Азийн аварга Ц.Цогтбаатар 73 кг-ийн жинд хүрэл медаль хүртэж, Токиогийн тэнгэрт төрийн далбаагаа мандуулсан түүхэн гавьяатай билээ.