Монгол Улсын Ерөнхийлөгчийн сонгуульд МАН-аас У.Хүрэлсүх, АН-аас С.Эрдэнэ, Зөв хүн электорат эвслээс Д.Энхбат нар өрсөлдөж байна. МАН-аас нэр дэвшигч У.Хүрэлсүх өнөөдөр 07.40 цагаас Баянзүрх дүүрэгт байрлах Ерөнхий боловсролын 48 дугаар сургуульд саналаа өгчээ.
Харин АН-аас нэр дэвшигч С.Эрдэнэ 12:00 цагт Баянгол дүүргийн 20 дугаар сургуулийн санал авах байранд саналаа өгөх аж.
"Зөв хүн электорат эвсэл"-ээс нэр дэвшигч Д.Энхбат өчигдөр зөөврийн хайрцгаар саналаа өгсөн билээ. Учир нь тэрбээр коронавирусийн халдвар аван эмчлүүлж байгаа юм.
