Испанийн алдарт "Барселона" клубтэй нэгдэх нь тодорхой боллоо гэгдэж байсан "Ливерпүүл"-ийн хагас хамгаалагч Жоржиньо Вейналдум Франц руу явлаа. Тэрбээр "ПСЖ" клубтэй нэгдэх нь тодорхой болжээ.
Сэтгүүлч Фабрицио Романогийн мэдээлж байгаагаар тэрбээр шинэ багтайгаа 2024 он хүртэл гэрээ байгуулж байгаа гэнэ. Наймааг эцэслэхийн тулд тэрбээр ойрын үед эмнэлгийн үзлэгээр орох ажээ. Өнгөрсөн улиралд 30 настай залуу Премьер лигийн хүрээнд "Ливерпүүл"-ийн төлөө 38 тоглолтод оролцож, 2 гоол оруулсан. Түүний "Улаанууд"-тай хийсэн гэрээ энэ зун дуусаж байгаа.
