Өмнөд Солонгосын Самсунг Биоложикс компани АНУ-ын Модерна компанид бүтээсэн коронавирусийн эсрэг вакциныг эх орондоо үйлдвэрлэх гэрээ байгуулжээ.

АНУ-д хийж буй Өмнөд Солонгосын ерөнхийлөгч Мүүн Жэ Иний айлчлалын үеэр талууд тус гэрээг байгуулсан аж. Модерна вакцин нь уламжлалт аргаар бус, mRNA хэмээх шинэ технологиор бүтээгдсэн бөгөөд АНУ-ын хүн амын дархлаажуулалтад өргөнөөр ашиглагдаж байна.

БНСУ-ын компаниуд Novavax (АНУ), Спутник V (ОХУ) вакцинуудыг үйлдвэрлэж эхэлсэн. Гэрээ ёсоор Модерна компани вакцины үйлдвэр байгуулахад хөрөнгө оруулж, ажиллах хүчнийг Өмнөд Солонгосын зах зээлээс бэлдэх юм. Өмнөд Солонгосын засгийн газар уг хөрөнгө оруулалтыг нь дэмжиж ажиллахаар болжээ.